Րաֆֆու պատմավեպի ուսուցումը
Րաֆֆու պատմավեպը հայ գրականության կոթողներից է և կատարել է հայրենասիրություն դաստիարակելու հզոր գործոնի դեր:Ամեն մի ժամանակահատված ունի պատմավեպի մեկնաբանման իր դիտակետը և մեթոդաբանական-ուսուցողական իր ելակետը:
Մարդկային պատմությունը հաճախ պատմական իրադարծությունների կրկնության պատմություն է:Պատմական թատերաբեմից հեռացել են շատ հզոր պետություններ, վերացել հարուստ քաղաքակրթություններ:Սակայն այդ քաղաքակրթություններին հասակակից հայկականը ոչ միայն չի վերացել, այլ շարունակում է իր առաջընթացը:
Վիպասան Րաֆֆին իր հայրենասիրական լիցքերը ստացել է Հայաստանի պատմական անցյալից, սակայն նա, տարվելով անցյալով,նայել է ապագային, նախապատրաստել է այդ ապագան:Րաֆֆին նյութը հիմնականում քաղել է Փավստոս Բուզանդի և Մովսես Խորենացու պատմություններից: