Металды кесу және сындыру.

Металды кесу және сындыру.

Сабақтың тақырыбы: Металды кесу және сындыру.

Сабақтың түрі: өндірістік

Сабақтың мақсаты:

1. Студенттерге техникалық қауіпсіздігін сақтай отырып, Металды кесу және сындыратын құрал-саймандарды дұрыс қолданып, Металды кесу және сындыруды үйрету.

2. Өз беттерімен кесе отырып, икемділікке, алдына қойған жұмысты шыдамдылықпен аяқтау, шапшандылық қабілеттерін дамыту.

3. Еңбек сүйгіштікке, құрал-саймандарды ұқыпты ұстауға, металдарды тиімді пайдалануға үйрету.

Пән аралық байланыс: Сызу, физика, техникалық өлшем.

Көрнекіліктер: сызба, дайын жұмыс үлгілері, инструкторлық карта, плакат.

Құрал-саймандар: Метал, кескіш, сызғыш, қайшы.

Сабақтың барысы

1. Ұйымдастыру кезеңі (5мин)

   1. Студенттерді түгендеп сабаққа дайындығын тексеру, арнайы киімдерін киюін қадағалау.

   2. Сабақтың барысы мен бір ізділігін түсіндіру.

   3. Кезекшілікті қою.

   4. Жұмыс орындарына жайғастыру.

2 Кіріспе инструктаж (50мин)

2.1 Жұмыс барысы мен сабақтың тақырыбымен таныстыру.

2.2 Техникалық қауіпсіздігін сұрақ-жауап арқылы жүргізу.

А) Жұмысты бастамай тұрып қандай техникалық қауіпсіздікті міндетті түрде сақтау керек?

Б) жұмыс барысы кезінде қандай техникалық қауіпсіздік міндетті түрде сақтау керек?

В) Жұмыс аяқталған кезде міндетті түрде:

Г) Металды кесу және сындыру кезіңде қауіпсіздік ережесін сақтау.

2. Өткен сакбақты қайталау:

3. Ағымды инструктаж (4 сағат 30мин)
3.1 Жаңа сабақты түсіндіру.

Металды кесу және сындыру- дегеніміз белгілі бір металды және басқа материалдардан өндеу кезіңде оларды қол қайшымен немесе станоктармен алуды айтады.

Қалыңдығы 3 мм-ге дейінгі жайма металдан жасалған дайындамалар мен күрделі бөлшектерді, қалыңдығы 3-тен жоғары 16 мм-ге дейінгі жайма металлдан жасалған күрделі дайындамалар мен бөлшектерді, қалыңдығы 16 мм-ден жоғары жайма металлдан жасалған қарапайым және орташа күрделіктегі дайындамалар мен бөлшектерді, 20 кв. см-ден жоғары кесілетін берілген бұрышта түрлі маркадағы сұрыптық металдан жасалған дайындамалар мен бөлшектерді бапталған сығымдағышпен, сығымдағыш қайшылармен, гильотинді қайшылармен тірек, шаблон және белгі бойынша берілген мөлшерлерді және шектерді сақтай отырып тік сызықпен кесу. Қалыңдығы 16 мм-ге дейінгі жайма металлдан жасалған күрделі дайындамалар мен бөлшектерді және 16 мм-ден асатын қалыңдықтағы қарапайым және орташа күрделіктегі қисық сызықты кесу. Түсті металлдар мен қорытпалардан жасалған жаймаларды, жолақтар мен таспаларды гильотинді және көп дискілі қайшымен кесу. Түсті металлдар мен қорытпалардан жасалған ротапринт пен фольга жаймаларын кесу. Капсюль өндірісі бұйымдарына арналған дайындама металын дискілі немесе рычаг қайшымен кесу. Қалыңдығы 100 мм-ге дейін ірі кескінді металды ыстықтай және суықтай сығымдағышпен және түрлі құрылымдағы сығымдағыш қайшымен кесу. Қажетті аспапты пайдалана отырып жайма дайындамалары мен бөлшектерді сызба бойынша белгілеу. Пышақтарын ауыстыру және дайындаманың берілген өлшеміне қарай тіректі реттеу. Жұмыс барысында кезеңімен дайындамалар мен бөлшектердің кесу сапасын тексеру. Барлық жүйедегі сығымдағыштарды, сығымдағыш қайшылар мен дірілмен істейтін қайшыларды баптау. Түрлі кескіндегі және маркадағы металлдарды сығымдағышта өлшемімен сындыру. Абградмашинада металл бүршіктерін кесу.

Білуге тиіс: түрлі үлгідегі сығымдағыштардың, дірілмен істейтін қайшылардың, рычагты, дискілі, гильотинді және сығымдағыш қайшылардың құрылымы мен жұмыс істеу қағидаты; арнайы және әмбебап айлабұйымдар мен бақылау-өлшеу аспаптарының құрылымы; жайма металлын белгілеу және оңтайлы пішу ережесі мен әдістері; рұқсат шегі жүйесі; қолданылатын металлдың маркалары, талшық бағыттарын ескере отырып иленетін металды пішу ережесі.

3.2 Студенттердін өзіндік жұмысы, тапсырманы орындау.

1. Айналымдар, иірімдер, циклондар – белгілеу және жаймадан жасалған әшекейлі кесу.

2. 20 кв. см.– дан қиялай кесетін түрлі маркадағы кескінді металлдан жасалған 4 м-ге дейін ұзындықтағы бөлшектер – берілген бұрышпен кесу.

3. Көміртекті және төмен колегирленген болаттан жасалған бөлшектер – дискілі қайшымен кесу.

4. Перфорациялы станоктарға арналған жаймалы қаңылтыр – пішу, кесу.

5. Сферикалық нысан бұйымдарына болат дайындамалар – пішу картасы бойынша кесу.

6. Үрмелі аспаптар иіндері – белгілеу және кесу.

7. Ұзындығы 4 м-ге дейін түрлі ендегі жолақтар – тірек бойынша қайшымен кесу.

8. Кескінді қимасы 50х50-ден жоғары 100х100 кв. мм-ге дейінгі бұрыштықтар – кесу.

9. Фаскалар – СКС-25 сындыратын станоктар және гильотинді қайшымен шешу.

10. Фланецтер – сығымдағышпен сындыру.

11. №10-нан жоғары №18-ге дейін үлгі өлшемдегі швеллерлер мен зетотәріздес болат – бұрыштықпен белгі бойынша кесу.

1. Жұмыс орының қалдықтарды тексеру.

1. Тексеру: жұмыс орнының қалдықтарын тексеру.

2. Тексеру : металдардың дұрыс өнделгенің тексеру.

3. Тексеру : техникалық қауіпсіздіктің бірізділігін дұрыс сақталуын қадағалау.

4. Тексеру : өз қадағалауының дұрыс жүргізілуін қадағалау, техникалық жұмыс шартын байқау.

5. Тексеру : жұмыстың жүргізілуін бағалау, жұмыс уақытында істеген студенттерге қосымша тапсырма беру.

1. Қортынды инструктаж (30мин)

• Сабақты қортындылау.

• Болған қателіктерді көрсете отырып, оның болу себебін түсіндіру.

• Студенттерге жүргізілген жұмыстарына мадақтай отырып , бағалау.

• Ең жақсы жұмысты көрсете отырып, олардың нені үйренгендігін, оның мамандықтарының мәні неде екенін түсіндіру.

• Үй жұмысы: өткен тақырыпты оқып келу.

• Келесі сабақтың мақсаты мен тақырыбың хабарлау.

• Жұмыс орның жинау.